जि. प. प्राथ. शाळा वनारवाडी येथे शाडू मूर्ती कार्यशाळा संपन्न
मायको एम्प्लॉईज फोरमचे उपाध्यक्ष बी. ए. सोनवणे व सहसचिव जे. एन. पाटील यांनी मुर्ती तयार करण्याचे प्रात्यक्षिक करून दाखविले. बी. ए. सोनवणे यांनी पर्यावरण जागृतीचा संदेश आपल्या मनोगतातून विद्यार्थ्यांना दिला. प्लास्टर ऑफ पॅरिस आणि रासायनिक रंगांमुळे पर्यावरणाची मोठी हानी होते. त्यामुळे पर्यावरण पूरक गणेश मुर्ती बनविणे ही काळाची गरज झाली आहे. तसेच स्वतःच्या हाताने तयार केलेल्या मूर्तीचा आनंद काही औरच असतो. या विचारातून कार्यशाळा घेण्यात आल्याचे विलास जमदाडे यांनी सांगितले. कार्यशाळेच्या सुरूवातीला प्रास्ताविक मुख्याध्यापक भाऊसाहेब नांदूरकर यांनी केले तर आभार सुनंदा घोलप यांनी मानले.
फोटो:- वनारवाडी शाळेत गणेश मुर्ती निर्मिती कार्यशाळेत सहभागी मायको एम्प्लॉईज फोरमचे उपाध्यक्ष बी. ए. सोनवणे, सहसचिव जे. एन. पाटील, समवेत भाऊसाहेब नांदूरकर, विलास जमदाडे, सुनंदा घोलप आदींसह शालेय विद्यार्थी.
कोणत्याही टिप्पण्या नाहीत:
टिप्पणी पोस्ट करा