*_शैक्षणिक कार्य परिचय_*
🌹🌹🌹🌹🌹🌹🌹
*नाव :-* _श्री. विलास शिवाजीराव जमदाडे._
_प्राथमिक शिक्षक_
*शाळा :-* _जिल्हा परिषद प्राथमिक शाळा वनारवाडी, ता.- दिंडोरी, जि.- नाशिक._
*शैक्ष. पाञता -* _एम. ए._
*व्याव. पाञता -* _डी. एड._
*एकूण सेवा -* _१७ वर्षे २ महिने_
*शैक्षणिक कार्याचा परिचय :-* _श्री. विलास जमदाडे सर दिनांक- २९/०५ /२००७ पासून ते दिनांक- ३०/०५/२०१६ पर्यंत शेतात मोलमजुरी करून गुजराण करणाऱ्या घोडेवाडी, तालुका - दिंडोरी येथील प्राथमिक शाळेत शिक्षक म्हणून कार्यरत होते. सध्या ते जि. प. प्राथमिक शाळा वनारवाडी, तालुका - दिंडोरी येथे दिनाक- ३१/०५/२०१८ पासून तंत्रस्नेही शिक्षक म्हणून कार्यरत आहेत. घोडेवाडी व वनारवाडी या दोन्हीही शाळांमध्ये ग्रामस्वच्छता, वृक्षारोपण व वृक्षसंवर्धन, बेटी बचाओ- बेटी पढाओ, बालआनंद मेळावा, शिक्षणमहोत्सव, शाळेचा वर्धापनदिन साजरा करणे, सांस्कृतिक कार्यक्रमांचे आयोजन, दरवर्षी गुणवंत विद्यार्थ्यांना बक्षीस वितरण, शाळेत रक्षाबंधन, गोपाळकाला, दिवाळी यासारखे सण, थोर महापुरुषांच्या जयंती पुण्यतिथी नाविन्यपूर्ण पद्धतीने साजरे करणे या सारखे अनेक उपक्रम राबवून १००% पटनोंदणी, दर्जेदार व गुणवत्ता पूर्ण शिक्षण देण्याचा त्यांचा प्रयत्न असतो._
_शाळेच्या आवारात लावलेल्या रोपांना ठिबक सिंचन पद्धतीचा वापर करून, सेंद्रिय खते टाकून वृक्षसंवर्धन करणाऱ्या श्री. जमदाडे सरांचा "मैञी पर्यावरणाशी" हा उपक्रम महाराष्ट्र राज्य शैक्षणिक संशोधन व प्रशिक्षण परिषद, पुणे यांचेकडून प्रसिद्ध होणाऱ्या जीवन शिक्षण या मासिकात जून २०११ च्या अंकात प्रसिद्ध झाला आहे._
_आदिवासी विकास विभागाच्या वतीने चालविण्यात येणाऱ्या एकलव्य रेसिडेन्सी पब्लिक स्कूल मध्ये घोडेवाडी शाळेतील बारा विद्यार्थ्यांची जमदाडे सरांच्या मार्गदर्शनाने गुणवत्तेच्या आधारे निवड झाली असून त्यांचे पुढील मोफत शिक्षण चालू आहे._
_पाच-सहाशे लोकवस्तीच्या या छोट्याशा गावांमध्ये ३० लाख रुपयांपेक्षा अधिक लोकसहभाग मिळवून शालेय वर्गखोली, अद्ययावत स्वच्छतागृह, शालेय विद्यार्थ्यांना बसण्यासाठी लाकडी बाक, विद्यार्थ्यांच्या क्रीडा विषयक कलागुणांना वाव मिळण्यासाठी अस्वच्छ जागेचा कल्पकतेने वापर करून खेळाचे मैदान निर्मिती, लॅपटॉप, डिजिटल वर्ग खोली, साऊंड सिस्टीम, शालेय इमारतीला आकर्षक रंगरंगोटी, व्यासपीठ, पाच हजार लिटर क्षमता असलेली पिण्याच्या पाण्याची टाकी आदी सोयीसुविधा निर्माण करण्यात जमदाडे सरांचा सिंहाचा वाटा आहे._
_जि. प. अध्यक्ष चषक स्पर्धेत जिल्हास्तरापर्यत जमदाडे सरांच्या विद्यार्थ्यांनी सुयश मिळविलेले आहे. नाशिक जिल्हास्तरीय नवोपक्रम स्पर्धेत दिंडोरी तालुक्याला सलग दोन वर्षे प्रथम क्रमांक मिळवूण देण्यात देखील जमदाडे सरांचे बहुमोल योगदान आहे._
_दिनांक- २१ एप्रिल २०१७ रोजी संदिप फाऊंडेशन, नाशिक येथे संपन्न झालेल्या राज्यस्तरीय कार्यशाळेत नाविन्यपूर्ण ज्ञानरचनावादी शैक्षणिक साहित्याचा स्टाॅल लावण्याची संधी त्यांना दिंडोरी तालुक्यातून मिळाली होती._
_जोपूळ बीटाचे तत्कालीन शिक्षण विस्तार अधिकारी मान. आर. एन. निकम यांच्या संकल्पनेतून ४ सप्टेंबर २०१६ रोजी संपन्न झालेल्या शैक्षणिक साहित्य निर्मिती कार्यशाळेत ज्येष्ठ साहित्यिक तथा प्राचार्य लक्ष्मण महाडिक यांच्या हस्ते "बीट स्तरीय गुणवंत शिक्षक" पुरस्कार देऊन त्यांना सन्मानित करण्यात आले आहे._
_सलग १२ वर्षे जिल्हास्तरीय व तालुकास्तरीय विज्ञान प्रदर्शनात त्यांनी शैक्षणिक साहित्य निर्मिती गटात सहभाग घेऊन सातत्याने यश संपादन केले असून या कामगिरीची दखल घेऊन डिसेंबर २०१३ मध्ये तालुका स्तरीय "आदर्श विज्ञान शिक्षक" पुरस्कार जिल्हा परिषदेच्या तत्कालीन शिक्षण सभापती ज्योतीताई माळी, आमदार धनराज महाले यांच्या हस्ते देऊन त्यांना गौरविण्यात आले आहे._
_मालेगाव येथील किनो शिक्षण संस्थेच्या वतीने विलास जमदाडे सरांना गुणवंत शिक्षक पुरस्कार सन्मानपूर्वक प्रदान करण्यात आलेला आहे._
_दिंडोरी तालुका मराठी पत्रकार संघाने देखील महाराष्ट्र राज्य साखर संघाचे उपाध्यक्ष आदरणीय श्रीरामजी शेटे सो. यांच्या हस्ते व मविप्र समाज संस्थेचे संचालक आदरणीय दत्तात्रय पाटील सो. यांच्या उपस्थितीत दिनांक- ६ जानेवारी २०१८ रोजी दिंडोरी वैभव पुरस्कार देऊन विलास जमदाडे सरांच्या शैक्षणिक कार्याचा गौरव केलेला आहे._
_तसेच दिनांक- ४ जानेवारी २०१६ रोजी दादासाहेब गायकवाड सभागृह, नाशिक येथे संपन्न झालेल्या प्रगत शैक्षणिक महाराष्ट्र या उपक्रमांतर्गत नाशिक जिल्हा स्तरीय शिक्षक कार्यशाळेत महाराष्ट्र राज्याचे शिक्षण सचिव मान. नंदकुमार साहेब यांच्या हस्ते जमदाडे सरांचा उपक्रमशील शिक्षक म्हणून गौरविण्यात आलेले आहे._
_५ सप्टेंबर शिक्षक दिनानिमित्त सन २०१९/२०२० चा नाशिक जिल्हा परिषदेचा गुणवंत शिक्षक पुरस्कार तत्कालीन जिल्हा परिषद अध्यक्षा नामदार शितल सांगळे, शिक्षण सभापती यतीन पगार, मुख्य कार्यकारी अधिकारी एस. भुवनेश्वरी, शिक्षणाधिकारी डाॅ. वैशाली झनकर मॅडम यांच्या हस्ते जमदाडे सर यांना प्रदान करण्यात आलेला आहे._
👏🏻👏🏻👏🏻👏🏻👏🏻👏🏻👏🏻
कोणत्याही टिप्पण्या नाहीत:
टिप्पणी पोस्ट करा